Шолжа-Шахьарерча №5 йолча юкъерча ишколе, терроризма духьалара болх дӀахьу
Шолжерча №5 йолча ишколе; терроризма, наркоманена духьалара болх дӀахьу. Укх деношка дешара моттиге уж дешаш дувцаш, кхетаче дӀайихьар. Из хоам «Сердало» газетага бир шахьара мэре.
Ондаргашца кхетаче дӀахьош, терроризма духьаларча комиссе секретара Гатенаькъан Ӏийсас, иштта Шолжерча центральни дарбанчен лора-нарколога Тӏоаршхой Елизаветас зулам доалаш йола молхаш, кхыйола хӀамаш лелаярах дешархой юхатохаш къамаьл дир, цо царна хьалхадаьккхар кӀезиг-кӀезига деш цар сага могашала зе деш хилар, уж цох леш хилар. Эксперташа иштта белгалдир наркотикаша сага могашала масса оагӀорахьа зе деш хилар. Цунца цхьана дешархой тӀахьийхар,цу тайпарча зуламца къовсам лоаттабара.
Из болх вӀашагӀбеллараш хьежар; дешархошта наркомани, экстремизм, терроризм зуламе никъ хилар хьалхадаккха.
