«Дийна каьхаташ» яха проект - из Сийлахь-боккхача Даьймехка тӀем тӀа моастагӀчоа духьаллаьтта вай ветеранаш дагалоаттабара лаьрхӀа я. Проекта доакъашхой дешархой ба, цар дувц шоай гаргарча нахах- тӀема доакъашхоех, цига гӀолла уж хул лоаццача видеороликий турпалхой.

«Кхетаче йолаш, викалаша дешархошта дийцар дакъа лацара кепах, заявкаш дӀаялара де дезачох, иштта интерактивни дакъа а дӀадихьар: балхах лаьца дийцар, бераша деннача хаттарашта жоп делар. Доакъашхой таро хилар боккха боаца актёрий болх дӀабахьа, шоаш камера хьалхашка болаш санна, шоай оаз мишта хул хьажа.

Кхетачене дика пайда ийцар хьехархоша, дешархоша. ДукхагӀа бола дешархой из яхь езаенна бар, уж хӀанззехь а болабелар шоай истори дӀаязде. Царех дикагӀбараш хьахоржаргба балха говзал йолча режиссёраша, уж телевидене гӀолла, вахара бувзамашка, лаьрххӀача видеоальбомага гойтаргба наха, Россе ишколашка дӀа-юха гӀоргда из», - аьлар «Сердало» газетага кагирхой цхьанкхетарий ЦӀагӀа.