Алхасте 250 кВА низ бола керда трансформатор оттаяьй
15.07.2024 11:13
Моттигерча Ӏаьдало вӀашагӀбеллар Алхастерча Белхарой урам тӀа 250 кВА низ бола трансформатор оттаяра болх, яхаш, дийцар «Сердало» газетага Республикан Шолжа кхален администраце.
«Хьалха лаьттача къанарча трансформаторо лерттӀа болх бацар, лампаш каст-каста дӀайовш нийслора», - аьлар хоамо.
Кхаь урам тӀа баха нах сердал цахилар ловш баьхаб, цудухьа хӀанз царна хайра цу хьалашта боагӀаш бола мах оттабе. Цар доккха баркал аьлар Шолжа кхален кулгалхочоа Татенаькъан Ӏийсайна, наха сатийса хӀама цо кхоачашдарах.
