Арштерча маьждига юхе Ӏобежа тока саьрг дӀахеттар
21.06.2024 11:32
Арште Ӏобежа хинна тока саьрг сиха меттаоттабир, яхаш, дийцар «Сердало» газетага ГӀалгӀай Республикан Шолжа кхален администраце.
«ЧӀоагӀа мух хьакхарах, Ӏоежача гаьно маьждига юхера Шерипова цӀерагӀа урам дӀакъайлабар, тока саьрг а хоадабеш. Цу тайпара, юртара нах сердал йоацаш бисабар», - йоах хоамо.
Из кхоачамбоацар сиха дӀадаьккхар моттигерча Ӏаьдало, Шолжерча РЭСа болхлошца цхьана. Болх дӀахьош, Ӏобежа хи дӀа а боаккхаш, тока саьрга еха моттигаш тоайир. Ток юха а боагӀача боараме нахага дӀакхаьчар.
