Чамалха яхача юрта, 140 метр кӀоарга насос оттайир
01.08.2025 15:03
Чамалхарча Школьни оалача урам тӀарча гӀув чу латта насос хийцар. Из хоам «Сердалога» Шолжа кхален администраце болхлоша бир.
«Керда 6/10 оала насос 140 метрага кхоачаш кӀоаргача латташ я. Из геттара лоархӀаме да хий боаггӀача боараме хьадоагӀаргдолаш», - дийцар тха газетага. Ший ханнахьа из гӀирс хувцаро хин оагӀонцара хьал тоадергда.
Ара кхорзаденна, Ӏимеца денош латт, хӀаьта иштта лакха йӀовхал латтача хана хий доацаш бисача наьха деррига вахар кегалу, йоккха хало хул цох.
Моттигашкарча хьакимашта Мехкадас тӀадиллад, хий доацача бахархошта машинашца тӀакхахьа, аьнна. Ше-ший аргӀагӀа дӀахьош ба из болх тахан.
