Керда гӀашлой никъ биллар Долакха-Юрта
Вай республикера моттигаш тоаеш, боккха болх ба беш латташ. ХӀара денна эргайоалаш, хозача куца тӀа йоалаеш я вай шахьараш, юрташ.
«ДӀабахача бетта 19-ча дийнахьа мехкадаьца Келаматанаькъан Махьмуд-Ӏаьлаца телевидене гӀолла хиннача къамаьле Долакха-Юртарча депутата Манкенаькъан ИсмаӀала дехар дир, шоай юрта гӀашлой никъ билла гӀо де, аьнна.
Вай Мехкадас кхален кулгалхочунна тӀадиллар цу сахьате; Ӏан хьалхарча бетта 20-гӀа ди отталехь, Мислауранаькъан цӀерах болча урам тӀа гӀашлой никъ билла, аьнна.Белгалде деза, цу доазон юхе ишкол, берий беш, наьха фусамаш йолга. Цунга хьежжа, чӀоагӀа лоархӀаме дар цу урам тӀа гӀашлой никъ хилар; берий юстара лела йиш хургйолаш, паргӀато хилар.
Манкенаькъан ИсмаӀала тхога хоам бир; юртара нах республикан кулгалхочунна доккха баркал оалаш, чӀоагӀа гӀадбаха ба, аьнна.
