ГӀалгӀайчен Инаркъе цӀа даьгар
07.11.2024 15:06
Инаркъе бахача наьха цхьан цӀагӀа, дагадоацаш, цӀи яларах бер делар, яхаш, дийцар «Сердало» газетага ГӀалгӀай Республике гӀолла йолча РФ чоалханеча хьалах йолча Министерстве.
«ГӀалгӀай Республике гӀолла йолча Россе МЧС Керттерча урхаллен болхлоша дакъа а лоацаш, йоайир 40 квадратни метр дӀалоацаш хинна цӀи. ОарцагӀа яхача тоабанца 16 саг вар ЗагӀенаькъан урам тӀарча нах бахача цӀагӀа яьнна хинна цӀи йоаеш», - аьлар хоамо.
Тхоца къамаьл даьчо яхачох, цу моттиге цхьа бер делар, цу цӀагӀара ши саг дарбанче дӀавигар, лорий новкъостал эшаш.
