«ДӀабихьача балхо хий дикагӀа хьадайт тахан. Юртарча бахархошта доккха совгӀат хиннад цу гӀулакхах, хӀана аьлча, ахкан хана хий массайолча моттигашка дӀа ца кхоачаш, хало ловра цар», - йоах тхогарча хоамо.

Белгалде деза, хин хьал тоадара тӀехьа боккха болх дӀахьош латтилга. Тишъенна турбаш дӀайоахаш, кердаяраш чуйоахкаш, тоае еза моттиг тоаеш, керда, дикагӀдола гӀирсаш увттадеш, из хьал аттачахьа даккха гӀерт вай мехка.