«Кагирхой наркотикашта духьала ба» яхача суртий яхьаш дӀайихьар Сурхо тӀа
13.03.2025 10:35
Сурхо тӀарча культуран цӀагӀа дӀайихьар «Кагирхой - наркотикашта духьала» яхача темах яхьаш. Цу доккхача зулама духьала болга гойташ, шоаш даьхка сурташ гойтар бераша.
«Сердалога» из хоам бир кхален администрацера. Яхьий керттера декхар - кагирхой наркоманена духьала болга, цунца къовсам лоаттабергболга гойтар. УнахцӀенон гӀулакх, паргӀата вахар хьаллоацаш юкъедаьккха гӀулакх да из.
