МВД участковеша беча балхах дийцар Эбарга-Юртарча кхетаче
11.02.2025 10:32
18 шерга кхачанза болча кагирхой гӀулакхех болча Шолжа кхалерча МВД оагӀон кулгал деча Котанаькъан Хьамзата дийцар, дӀадахача шера кхоачашбаьча балхах. Из хоам «Сердалога» бир цу юртарча администраце.
«Эбарга-Юрта зуламашта духьала дӀабихьача балхах дийцар гулбеннарашта. Бокъо йоацарашта духьала къовсам лоаттабарах, къаьстта газ, ток лечкъаярах дийцар Котанаькъан Хьамзата», - йоах хоамо. Эггара лоархӀамечарех даь, дийцар кхувш латтараша доаржадеча зуламех. Наркомани, терроризм яхача доккхача зуламашта духьала массахана болх дӀакхахьа безилга белгалдир цига.
