Эбарга-Юртарча Шолжа бердаш цӀендеш баьхкар бахархой
05.04.2024 10:20
Эбарга-Юртарча Чкалова оалача урам тӀарча тӀаьна кӀалгӀолла додача Шолжа йистош цӀенъеш, хий паргӀатта ӀогӀоргдола болх дӀахьош хилар республике. Из хоам «Сердалога» бир Шолжа кхалерча администраце.
«Хин хьал дикка тоадир дӀабихьача балхо. Чура нувхаш, Ӏокхихьа тайп-тайпара хӀамаш араяьхача; дикагӀа доладелар хий, из лоархӀаме да цун экологически хьала», - йоах тхогарча хоамо.
Цу мугӀарерча болхлоша теркалдечох, бӀаьстан хана хий айлуш денош эттача, ший бердашкара из ара цадалийтара чӀоагӀа лоархӀаме гӀулакх да цига даьр.
Чура новкъарле еш йола хӀамаш араяьха, ший паргӀатта Ӏодаха аьттув болаш хила деза хий.
