Йоккхача Ачалкхе 420 моттиг йола керда ишкол хьаелларгья
Йоккхача Ачалкхе, керда дешара шу дӀадолалуш, хьаелларгья таханарча заман ишкол, из лаьрхӀа я 420 дешархочунна. Иштта лоархӀаме да цу ишкола тӀабодаш километр бола никъ буллаш хилар, цо таро лургья атта берашта деша аха, яхаш, дийцар ГӏалгӀай республикан Кулгалхочун, Паччахьалкхен зарбан болх лелабераша.
«Дешар» яха къаман проект хиларах, хьалъеш я керда ишколаш, деша даха ха йоацача берий урхалленаш. Тха декхар да дешархошта, хьехархошта, даьшта-ноаношта кхерамзлен Ӏалашо йола наькъаш хилийтар», - аьлар ГӏалгӀайчен Кулгалхочо Келаматанаькъан Махьмуд-Ӏаьлас.
Цул совгӀа, Мехкадас, доал деча даькъ тӀарча Ӏаьдала декхар тӀадиллар массайолча кердача дешара, лорий, культуран, спортивни моттигашта тӀадолхаш дика наькъаш хилийта, аьнна. Из лаьрхӀа да республикан бахархой вахара хьалаш тоадара.
