«Из хьалъяйтар ГӀалгӀайчен гӀишлон Министерство я, деррига гӀишлон балхаш дер «ЕВРОСТРОЙСЕРВИС-2010» яха фирма я. Контракт оттаяь яьлча, кхы тӀехьа ца тотташ, гӀишлонхой болабелар лаьттанцара балхаш де; хӀанз укх сахьате, из болх ах баь баьннаб.

Укхаза болх беш я пхи техника, иштта лаьтта ӀотеӀадеш дола балхаш доалаш латт», - йоах хоамо.

Кердача берий беша Ӏомадеш хургда 1,5 шергара 7 шерга кхаччалца ха яьнна бераш. Берий беша эшаш мел дола хьалаш хургда, массайолча оагӀорахьа уж дика дегӀадоаладара. Цар хьехамчаша беш бола болх дикача боарам тӀа хилийтара эша хьалаш Ӏалашдергда. Физически а хьаькъал долаш а уж хилийтара эша таронаш вӀашагӀйохкаргья. Берий беша иштта лаьрхӀад, зӀамагӀа йолча группанна, къаьстта дола хьалаш хьакхоллаш, кийчо е.

Паччахьалкхено из проект кхоачашъе 167 миллион сом хьахьожадаьд. Белгалдаккха дезаш да Южнера вахара хьалаш тӀехьарча шерашка тоалуш доагӀаш хилар. Иштта укхаза хьалъеш латт 320 моттига лаьрхӀа ишкол, хӀаьта 2023 шера хьалъяьй ФАП.