МЧС кӀира баьча балхах дийцар республике
14.10.2024 14:32
МЧС дӀабихьача балхах дувцаш йола кхетаче дӀайихьар республике. Из хоам «Сердалога» бир цу оагӀон болхлоша.
«Республике укх кӀира цхьа доккха хатар хинна моттиг яц. ЦӀи яьнна моттиг хиннай, Даьла къахетамца, саг лоза ца веш, дӀадийрзад из гӀулакх. Авари яь ворхӀ моттиг хилар республике, саг венна моттиг яц», - йоах хоамо.
Белгалде деза, наькъашкара хатараш, цӀи ювлара бахьанаш кӀезигагӀа хилийтара тӀехьа МЧС болхлоша бахархошца болх белга. Шелал эттача лораде дезараш хьалхадоах наха. Из болх дӀабахьа араваьнна хилар болхлоех виъ саг.
