СВО ветерана дехар даь, никъ биллар Юкъерча Ачалкхе
СВО ветерана дехарах, Юкъерча Ачалкхерча хӀетта нах баха хайшача моттиге никъ биллар. Из хоам «Сердалога» бир «Даьхен лорбой» яхача ганза моттигерча филиала болхлоша.
Акбенаькъан дезал ерригача Россе дӀабайзар, ворххӀе воӀ Даьхен гӀулакх лорадеш латта лаьрхӀа хиларах. Ганза болхлой болча гӀо дехаш вена хилар цу цӀен воӀ Артур. Хьадийцачох, догӀаш латтача хана машинаца аравала, дӀаваха йиш йоацаш хул уж бахача моттигера никъ. «Даьхен лорбой» яхача ганзо наькъий хьалах йола министерство оарцагӀъяьккха, сиха меттадоаладир из гӀулакх. ЖагӀа тесса, лаьрххӀача машинаца из дикка ӀотоӀабаь, тоабир никъ.
«ТӀема операце доакъашхой дезалий хьашташ кхоачашдар массахана лоархӀаме да мехка. Даьхен гӀулакха арабаьнна леларий оагӀув хьаллоацаш, цар гӀулакхага хьожаш, даиман терко еш хила деза вай», - белгалдир ганза кулгал деча Оздой Муслима.
