ГӀалгӀай къаман дувхара фестиваль дӀайихьар Юкъерча Ачалкхе
«Бералла наькъаш» яхача ерригача Россе проекта доакъашхоша № 15 йолча Юкъерча Ачалкхерча ишкола дешархошца къамий барзкъан Денна хетаяь гӀалгӀай дувхара фестиваль дӀайихьар. Из хоам «Сердалога» бир ишкола кулгалхочун гӀонча йолча Баденаькъан Ӏайнас.
«20-ча бӀаьшере дукха хувцамаш юкъеденад вай къаман гӀирса. ТӀадувхача барзкъо хьагойт къаман Ӏадаташ, оамалаш, вахара гӀулакхаш. ДӀаяха ха дагайохийташ, кхоанара вахар духьалъоттадеш хилар кхетаче.
Къаман культурах йола байташ йийшар дешархоша, цӀай дездеш, иштта «Даьймохк», «Ловца» яха моттигаш ловзайир гулбеннарашта. Эггара лоархӀамегӀа дола дакъа хилар «Мода театр» хьаделларах.
Ишколашкара, гӀалгӀай кхалнаьха барзкъаш могадеш йолча этнографагара, культуран проектий кулгалхо йолча Хьулахой Аленайгара балхаш гойтар.
