СВО доакъашхо хиннача Тоачанаькъан Гирихана таьзет дӀадихьар Юкъерча Ачалкхе
27.05.2025 09:42
ТӀема операцена юкъе вахар хаьдар вай цхьаькха бӀухочун, Тоачанаькъан Гирихана. Из хоам «Сердалога» бир МагӀалбика кхален администраце зарбан болх лелабеча Бекбузаранаькъан Хаде.
57 шу даьнна мехкахо, ше раьза волаш, вахавар Украине. ВоӀ дӀаваьнна халчаэттарий дог тедеш, къамаьл де гулбеннабар МагӀалбика кхален администрацена кулгалду Къоастой Ӏаддал-Хьамид, юрташкарча администрацей кулгалхой, иштта кхыбола хьакимаш. Мехкадас Келаматанаькъан Махьмуд-Ӏаьлас загӀан дайта ахча дӀаделар воӀ дӀаваьннарашка.
Къоастой Ӏаддал-Хьамида белгалдир, цӀен-да дӀаваьнна йисача кхалсага, цун ворхӀ бера новкъостал лоаттадеш хургба шоаш, аьнна.
