Юкъерча Ачалкхе СВО доакъашхой сийна кхетаче дӀайихьар
МагӀалбика кхален Юкъерча Ачалкхе дӀайихьар ЛаьрххӀача тӀема операце кхетаче, яхаш, дийцар «Сердало» газетага «Даьхен лорабой» ганза Гӏалгӏайчен филиала кулгалхочун гӀончас Джанхотанаькъан Мадинас.
«Дагалоаттама сайре хьайийллар тӀема ветеранаша, администраце болхлоша, МагӀалбика кхале гӀолла йолча «Даьхен лорабой» ганза филиала социальни болх лелабераша Мержой Идриса, ИбрахӀима. Цар белагалдир, Даьхе бахьан долаш бейнача сий долча турпалхой бӀухой дагалоаттам лоархӀаме хилар.
Гулбеннарашта дагабехар гӀайгӀане баларца а, цунца цхьана доккхал дарца тахан вайна юкъера дӀабаха Даьхен бӀухой. Культуран Цӏен болхлоша киноролик гойтар, МагӀалбика кхален турпалхой-бахархой бувцаш йола. Паччахьалкхен, Хамхой А. цӀерагӀча филармоне артисташа Даьхенцара безам хестабеш дола иллеш даьхар», - аьлар хоамо.
Из кхетаче вай бахархошта хьалхадоаккхаш яр, кхоане сийрда хилийтара шоай синош дӀаденна бӀухой цӀераш цӀаккха а йицъе йиш йоацилга, вай тахан, царна таро йола тӀехье хьалкхее езилга», - аьлар Мержой ИбрахӀима.
