«Наркотикашка «ак» ала!» яха болам дӀаболабир Магасе
Наркотикаш яхача доккхача зулама духьалара болам хьаллаьцар Магасе кагирхой гӀулакхех йолча комитето Кагирхой цхьанкхетара цӀен доакъашхошца. Из хоам «Сердалога» бир цу гӀулакха хьалхалаттача Эденаькъан Муслима.
«Хьинар дола кагирхой тахан студенташта, дешархошта юкъера цу бӀехача хӀаман никъ хоадабе гӀерт, хӀана аьлча цу дохьажаца базар лелаераша юкъекхувлараш къаьстта цу мугӀарера кагирхой ба. Наркотикех лаьца мел дола лоархӀамедараш тӀадола каьхаташ дӀадекъ берашта. Наркотикаша сага вахар мел чӀоагӀа толхаду дувцаш лекцеш дӀакхухь цар къонача тӀехьенца», - дийцар тха газетага.
«Из хӀама хьаллоацаш бола хӀара гӀа; беркатеча, хозача кхоаненга баьккха гӀа ба! Из гӀулакх хьаллаца мел эттарашта баркал оал оаха!» - белгалдир кагирхой гӀулакхех йолча комитете.
