ГӏалгӀайчен столице наькъаш тоаде болабеннаб
26.06.2025 12:15
Шахьара даькъ тӀа наькъаш тоадара доккхий балхаш дӀадоладаьд, хьалха из бахьан долаш бахархой латкъаш бар. Из проект дӀахьош я шахьара кулгалхочо Тиймарзанаькъан Мусас тӀахьожам беш, яхаш, хоам газетага.
Къахьегама даькъа кулгалхочо Халмарзанаькъан Мухьмада белгал ма дарра, деррига балхаш кхоачашдеш да технически боарам лорабеш, лаьрхӀача хана йистедоахаш. Керттера терко тӀайохийт цар дикала, из ца хилча даргдоацар да, машинашца лелача наха наькъа кхерамзле хилийтара.
Наькъаш тоадара болх дӀахьош ба шахьара транспорта лелара хьал тоаде дагахьа. Цунна юкъеяхай таханарча заман технологеш, дикал лакха йола материалаш.
