«Бераш Магасе гӀолла хаьхкар гольфкар оалача машинаца. Цига берий таро хилар паччахьалкхен урхален, культуран дукха сийленгаш довза. Цул совгӀа, царна хайра шоаш а, кхыбола нах санна, вай юкъарлонна доакъашхой хилар.

Могашал яйнаяр аьнна доацаш, бераш чӀоагӀа гӀаддахадар, царна ловра дуккхадар ха а довза а. Уж бигар Барта ГӀала - дунен тӀара эггара лакхагӀа йола этнографе музей йолча»,- йоах хоамо.

Цу юкъе дакъа лоацаш хиннараш раьза бар, цар баркал аьлар говзанчашта.

Кхетаче дӀахьош хиннача юкъа, цу юкъера белгалваьлар Йовлой Мухьмад, цунна массехк ашарий пандараш лакха ховра, сиха таьрахьаш дагарде, жӀакех ловза, сурташ даха, сурташ дехка ховра цунна.

Ше могашал яйна вале а, тайп-тайпарча даькъош тӀа, шийна ховшдар массахана дегӀадоаладеш вар из. Музея болхлоша яхачох, из иштта хиларах, кхыбараш а цунах тара хила гӀерт.