Спортеи унахцӀенони итт ди хилар Магасе
Россе президента Путин Владимира хьакхайкадаьча спортеи унахцӀенони итт денна чудоагӀаш; Магасерча культуран, спорта, туризман керттерча моттиге, доазол арахьарча студенташта лаьрхӀа пескаца бургацах ловзар чакхдаьккхар. Цох бола хоам газетага бир ювцача моттига директора заместитель волча Янданаькъан Абте. Яхь дӀахьоча хана, Индера студенташ шоай мехка шерра даьржа долча ловзарах салоӀам хинна бар. Цунна юкъе дакъа лоацаш хиннараш бар вай университете лорий факультете деша кагирхой. Царех хӀаравар хьинар айденна, ловзарца чӀоагӀа чам болаш вар.
«Хургболча лораша, бархӀ тоаба яь, хӀанз эггара хьалха дӀахьош дацар цу тайпара сакъердаме ловзар; цул совгӀа, шоай мукъа ха пайда болаш дӀаяхьа вӀаштӀехьадаьлар цар, гӀалий тӀа бахача наха гойтар, мишта хьалдиза йиш я дикача гӀулакхех салоӀа денош», - белгалдаьккхар Янданаькъан Абте.
