Спорта яхьаш дӀайихьар Магасе
07.03.2025 11:51
Кулгаш гӀортадарах йола яхьаш дӀайихьар Магасе культурахи, спортахи, туризмахи йолча моттига а цу спортах йолча федераце болхлоша а.
«Сага дегӀ толхадеш долча хӀамашта, наркотикашта тӀехьабаьнна ца а лелаш, спортаца бувзам лелабара кагирхой тӀахьехаш йола яхьаш массане хьаллаьцар. Вай паччахьалкхен университете дешаш болча Индера баьхкача студенташа лакха говзал гойташ дӀадихьар из гӀулакх», - йоах тхога бенача хоамо.
Кхыча мехкара кхаьчача 20 сага грамоташ елар цига. Цох лаьца дувцаш, кулгаш гӀортадарах йолча федерацена хьалха латтача Котанаькъан Хьусена белгалдир, тахан из спорт, кагирхошта юкъе спорта гӀулакхех йолча моттиго хьаллоацаш, дикка яьржалга. ДӀахойодача хана а дӀакхахьа лерхӀ иштта йола яхьаш.
