ГӀалгӀайчен столице, вӀаший бувзам болча наха мохк кхестабара духьалара кхетаче дӀайихьар
ГӀалгӀай республикан кагирхой политикан, туризма Министерствос вӀашагӀъеллар лоархӀаме кхетаче, мехка вӀаший бувзам болча наха леладеча бокъонаш телхаеча гӀулакхашта духьале еча урхаллен болхлоша дакъа лоацаш, яхаш, дийцар цу моттигах.
«Кагирхошта дика пайда белар цу кхетачено, юкъара хьал довзара, из лерттӀа вӀашагӀдоллара ха дезар хьалдаьккхар. Цу даькъ тӀа къахьегаш болча болхлоша 2024 шера баьча балхах дийцар. Цига дакъа лаца бийха хиннача дийшача наха дийцар, дин оагӀорахьара кхааш ийдар, уж телаш хилар мел хьараме лаьрхӀа да. Ӏилман болхлоша гойтар, таханарча юкъарча вахара из хьал мел Ӏаткъаш да, шоаш дӀахьош болча тохкама балхах, шоашта цу хьалах ховш дар белгалдаьккхар», - йоах хоамо.
Цу тайпара кагирхошца болх дӀахьош хиларо царна хьалхадоаккх из зулам хилар а, цох хьадоалар во, ийрча хилар а.
