ГӏалгӀайчен столице Даьхен бӀухой сийна сайре хилар
Магас-Шахьара культуран дегӀаахара Центре эггара йӀайхагӀа йола ахкан кхетаче хилар - «Са папа-турпал» яха сайре, из хетаяь яр Даьхе лораеш латтарашта,яхаш, дийцар «Сердало» газетага, лаьрххӀа хоам беш.
Кхеттаче дӀайихьар ерригроссийски проекта чуйоагӀаш, из могаяьр яр Пакулина Ольга, иштта лаьрхӀа яр из бӀухой дезал хьаллацара, дезалера лоархӀамедараш лорадара.
Сайре хьайийллар ГӏалгӀайчен халкъа артиста Хулаганаькъан Артура. Сцена тӀара хозаш дар Наьсарен кхален культура Цӏен къонача артисташа дӀаоалаш дола иллеш. Геттара а гулбеннарашта хоза хийтар «Сона гу сай мохк» яха лоаца фильм, иштта Ӏунал лоаттадеча болхлой видеокхайкарал. Бейнача турпалхой сий деш, йист ца хулаш минот яьккхар.
Юххера а, совгӀаташ делар берашта, «Са ГӀалгӀайче» яха илли дӀааьлар Султиганаькъан Хадижас, из дийкар 33 дизача республиках доаккхал дайташ.
