Берашта ловза къоастаяьча моттигий хьал тохкаш хилар Магасе
06.11.2025 12:58
Берашта ловза къоастаяьча, кулг тоха дезача кхаьчача моттигашка хьожаш хилар Магаса мэр Тиймарзанаькъан Муса. Администраце болхлошца, иштта кхыбарашца цхьана Чахкенаькъан, Малсаганаькъан, Кулиева, Озанаькъан цӏераш лелаеча, иштта Набережни, Назарбаева оалача урамашка гӏолла хьожаш хилар мэр. «Сердалога» из хоам бир шахьара мэре болхлоша.
«Шахьара дас белгалдир, бераш ловзаш йола моттигаш ма хулла сихагӏа, боаггӏача боараме тоаяь хила езилга. Цхьаккха тайпара кхерам хила йиш яц берашта къоастадаьча доазон тӏа», - йоах тхога бенача хоамо.
Болх сиха дӏаболабий, ма хулла сихагӏа чакхбаккха, аьнна, тӏадиллар цо цу гӏулакхага хьажа хьакъ дарашта.
