Мехка столице берашта дийцар, къаьнарча гӀалгӀай ловзарех
Магас-Шахьара культурни дегӀаахара Центре Ӏомалучар, халкъа багахбувцама ЦаӀ дола ди дӀахьош дакъа лаьцар «ГӀалгӀай ловзоргаш» яхача кхетачене, из хетадаьдар къаьнарча гӀалгӀай ловзарашта. Бераш долча хьоашалгIа венавар мехктохкамхо, этнограф Мерашканаькъан Султан. Цо дийцар, шоаш зӀамига болаш, леладеш хиннача гӀалгӀай ловзарех лаьца.
«Ӏалаудина Султана дийцар, Ӏадаташца дувзадаь долча ловзарий гӀалгӀай культуре малагӀа маӀан да. Кхетаче хиннараш кӀоаргача уйлашка бигар цун дувцаро, иштта цар таро хилар безамеча яхьашка дакъа лаца», - аьлар «Сердало» газетага гӀалгӀай столицан культурни дегӀаахара Центре.
«ГӀалгӀай ловзараш» яха кхетаче хетаяь яр, гӀалгӀай халкъа исторена, культуранна, багахбувцама. Цу дийнахьа цох бокъонца дола цӀай хилар. Дукхача берашта хайра, гӀалгӀай халкъа культура мел йIаьхий а тайп-тайпара а я.
