«Къона космонавташ» яха Халкъашта юкъера викторина хилар вай столице
Магасерча берий технопарке дӏайихьар «Къона космонавташ» яха халкъашта юкъера викторина. Из хоам «Сердалога» бир цу дешара моттига администратор йолча Налганаькъан Мадинас.
«Iилман тохкамашцара, технологешцара, космически оагӏонцара балхаш дӏакхахьара тӏехьа, геттара чӏоагӏа берий дог ураоттадеш хилар «Седкъий дагардергаш» яхача аэрокосмически фестивалага гӏолла дӏайихьа из кхетаче. «Космосе вахара юхьиг», «Стендови герз кхоссар», «Космонавтике харжар», «Космосацара хаттар», «Фу? Мичахьа? Маца?» яхача оагӏонашцара шоай кхетама таро техкар бераша. Дукха керда хӏамаш дайзар царна, хӏара хаттара уйла е минот ха лора», - дийцар тха газетага.
«Седкъий» яхача тоабо яьккхар котало. Шоллагӏча моттиге «Планеташ» яхача тоабан доакъашхой хилар, хӏаьта кхоалагӏа моттиг «Аьрзешта» кхаьчар.
