«ЛаьрхӀачунгара проектага кхаччалца» яха курсаш я Магасе хьайийлла
10.03.2025 10:42
«ЛаьрхӀачунгара проектага кхаччалца» яха Ӏомавеш йола курсаш хьайийллар Магасе. Кагирхой кхетачен ЦӀагӀа дӀакхухьаргдолаш да из гӀулакх. Из хоам «Сердалога» бир кагирхой политикахи туризмахи йолча министерствон болхлоша.
«Республикера вахара проекташ кхоллаш бола говзанчаш ба кагирхой Ӏомабергбараш. Проект вӀашагӀйолла, из дикка дӀа-хьа яржаргйолаш малагӀа болх дӀабахьа беза ховргда кагирхошта цхьан кӀира», - дийцар тхога цу моттигера. ХӀара дийнахьа шин сахьатагара диъ сахьат даллалца, эшаш дола гӀо деш, цаховр хьалхадоаккхаш хургба цига.
