Шоатта дийнахьа ГӀалгӀайчен столице машиний лелар кӀезигдергда
03.07.2025 15:59
ХьатӀадоагӀача шоатта дийнахьа ГӀалгӀай Республикан столице машиний наькъаш къайла хургда. Из соцам кхаьчаб Магаса мэрера.
№131-ФЗ болча 06.10.2003 шера арабаьннача соцамах «Российски Федераце моттигерча доал дара организацей юкъарча хьало» дӀадехаш хиларах тарра, мехка Ӏаьдало машинаш лела наькъаш къовла лаьрхӀар Заьзганаькъан И. проспекта – Горчхананаькъан Ӏ. урамах дехьавоаллачара, иштта Заьзганаькъан И. – Кулиев К. проспекташ йолча даькъ тӀара, 13:00 сахьат даьлча денз 21:00 сахьат даллалца.
Из моттиг дӀакъовлаш хилара бахьан да ГӀалгӀайчен паччахьалкхен Ди, ГӀалгӀайче Россех дӀакхийтта Ди, ГӀалгӀай Республика хьакхелла Ди дездеш цӀай дӀахьош хиларца.
