Шолже везвир, боксах йолча дунен чемпионате дото совгIат даьккхар
ГIалгIайчен Шолже везвир тIема спорта боксах дIахьош хиннача дунен чемпионате дото совгIат даьккха Евкуранаькъан Темарлан, яхаш, дийцар «Сердало» газетага спортсмена лаьрххIа болча викалаша.
«ЦIерах кIалхарваккхара колледжо, Мархенаькъан Муса керте а волаш, баркал аьлар Евкуранаькъан Темарлана цо цу йоккхача яхье дика дакъа лацарах. ЛаьрххIа йола кхетаче-линейка дIахьоча хана, боксёра ловцаш даьхар хьехархоша, студенташа», - йоах хоамо.
Цунца цхьана, начIал дола спортсмен дешаш волча колледжа кулгалхочунга, Эскара центральни спортивни клубагара, баркал оалаш, каьхат дера, иштта денал долаш, дика говзанча кхеварах.
«Оаха дег чура даькъалавувц Темарлан, цо шоллагIа моттиг яккхарца Рио-де- Жанейро дIахьош хиннача дунен хьалхале яккхара яхьашка. Цун денало, низ хиларо, говзал йолаш спортсмен из хиларо дика масал лу ший новкъосташта, нийсархошта», - аьлар дешара моттиге.
