Шолже СВО бӀухой бераша дакъа лаьцар, зӀамигача футболах йолча яхье
Шолжа шахьаре зӏамигача футбола говзал Ӏомаеш хилар ЛаьрххӀача тӀема операце бӀухой бераш, яхаш, хоам бу «Сердало» газетага «Даьхен лорабой» фонда гӀалгӀай филиале.
«Из болх вӀашагӀбелларашта лоархӀаме дар, укх халача ханашка уллув даьй боацаш дисача берашта дикахетар дар, цар спортацара безам совбаккхар. Ӏуйрийна денз, лаьрххӀа бола гӀирс тӀабийха, Ӏомабала болабелар уж футболах ловза.
Цар ловзарга хьежача, хоалуш дар уж безамца цу гӀулакха юкъебалар», - аьлар хоамо.
«Из футболаца ювзаенна моттиг ловзар хинна Ӏанзар, уж вӀашагӀтохара дола керттера бахьан хилар цох. Цо хьалхадаьккхар, халача ханашка а дегагӏоз хургйола моттиг лаха йиш йолга», - аьлар «Даьхен лорабой» ганза кулгалхочун гӀонча йолча Джанхотанаькъан Мадинас.
Белгалду, хьалхагӀа «Сердало» газета яздаьдар Илдарха-Гӏалий тӀа СВО дезалашта юкъе яхьаш дӀаяхьарах.
