«Шахьарерча программага гӀолла, 2024-ча шера 3,5 км кхоачаш йола тишъенна турбаш хийцай шахьаре. Ленина, Энгельса, Колхозни, Шерипова, Трудовой, Комсомольски оалача урамашка дӀабихьаб из болх. Ер шу йистедалалехь, итт урам тӀара турбаш хувцаш къахьега лерхӀ цига», - йоах хоамо.

Л. Толстой цӀерах болча урам тӀа 600 метр йола турбаш хувцаш боахкарий балхага хьожаш ба тахан шахьара да Ӏумаранаькъан Аслан, цун гӀонча Беканаькъан Халид, иштта кхыбола администраце болхлой.

«2021-ча шера денз, 70% кхоачаш лаьгӀденнад урамашкара хин турбаш лелхаш хинна гӀулакх», - аьлар Ӏумаранаькъан Аслана, цу гӀулакхах дувцаш. Оттаяьча хана деррига йистедаккха гӀерташ, тӀатеӀӀа къахьегаш боахк шахьаре.