Шолже малар дохкарашта духьалара гӀулакх суде дӀадахьийтар
02.05.2024 15:34
ГӀалгӀай Республике гӀолла йолча Россе СК СУ Шолжа кхален тохкама отдело кийчдаь даьккхар, моттигерча вахархочунна духьалара уголовни гӀулакх. Из бехке ву, наьха вахара кхераме дола корта бохабу малар дохкаш хиларах, яхаш, дийцар «Сердало» газетага цигарча викалаша.
«Тохкамхоша яхачох, 2024 шера наджгоанцхой бетта 30 дийнахьа, Шолжа-Шахьара Свердлова урамах йолча кафе, бехктокхаме эзача сага ахчах малар дехкар. Цунна чухьежача, бокъонаш лораерашта корта бохабу малар чудола шушаш корайир. Экспертиза яьккхачул тӀехьагӀа ховш хилар, сага вахара кхерам болаш дола малар из долга», - йоах хоамо.
Тохкамхоша, цу зуламерча гӀулакхах, эшаш дола каьхаташ гулдаьд. Уголовни гӀулакх суде дӀадахьийтад.
