Ӏаьдала бокъонаш лораяра гӀулакх малагӀча боараме латт, техкар Шолжа-Шахьаре
Шоай доалахьара хӀама хьадеш йолча моттигашка рейдаш еш, чакхбаьлар Шолжа-Шахьарерча администраце болхлой. Из хоам «Сердалога» бир шахьара мэре.
«Йоал ийеча оагӀон бокъонаш лораяр малагӀча боараме латт, хӀама тоадара бокъонаш мишта кхоачашъю, йоал дӀаялар мишта латт техкар рейд дӀаяхьа арабаьннараша», - йоах хоамо. Шоай хӀама дӀадоладаьрашта хьалхадаьккхар, Къахьегама кодексо дӀадеххача беса, йоал йоахача моттигашка дӀаязбала беза, беча балхаца бувзабенна бартчӀоагӀам хила беза.
ТӀехьа тӀайоагӀача хана хила тарлуча халонех, кӀалхарваргва саг, ший ханнахьа из оагӀув лораеш хуле. Теркалдаь кхоачамбоацараш юстардаха, аьнна, ха оттайир гӀалатбаьннарашта.
Бувцаш мел бола болх беш ба, хӀама эцача наьха бокъонаш лораяра, царна деш дола гӀулакх боагӀача боараме а дика а дара.
