Наькъашкарча кхерамзленах дийцар Шолжа-Шахьаре
Наькъашкарча кхерамзленах дийцар Шолжа-Шахьаре мэра Ӏумаранаькъан Аслана кулгал деш дӀайихьача кхетаче. Из хоам «Сердалога» бир цу моттигера.
Кхетаче дийцар дӀадахача шера цу оагӀонца дӀабихьача балхах, наькъашкара хьал тоадара тӀехьа юкъедаьхарех, иштта керда гӀармаш увттаярах, басарашца наькъашка къоастам барах, теркаме лаьцар дӀаяьха машинаш Ӏоувттаеча моттигий хьал.
2024-ча шерара болх хьаийцача, цох дар иштта да – ийс хатар хилар Шолжа-Шахьарерча наькъашка, царна юкъе 4 саг кхелхар, 14 сага човнаш йир. Къаьстта терко йир кхетаче Шолжа-Шахьерча наькъашкара кхерамзлен хьал тоадарах йолча программанна.
«Шахьара да волча Ӏумаранаькъан Аслана белгалдир, из болх йоккха терко еш дӀабахьа безилга. Наькъашкара хатараш, цхьана болх дӀахьош, ма хулла кӀезигде дезилга хьоахадир цо», - яхаш, хоам бу тхога шахьара администраце.
