Шолже хьабийллар «Хьа Сийле, кхалсаг» яха гойтам
07.03.2025 13:43
Шолжа кхален Керттерча библиотеке хьабийллар «Хьа Сийле, кхалсаг» яха гойтам, из хетабаь бар Халкъашта юкъерча кхалнаьха денна, яхаш, хоама бу «Сердало» газетага.
«Дешара йолча зале тайп-тайпарча мехкашкарча цӀихезача кхалнахах бола хоам бар. Цар культуре, спорте, политике дӀахьу дакъа дика масал да цига гулбеннарашта. Гойтаме оттадаьча книжкаш тӀа го йиш я, кхалсага кӀаьдача оамалга хьежжа доацаш, цун чӀоагӀа лоӀам хилар», - дийцар гойтам кийчбаьраша.
Шолжа кхален Керттерча библиотекан коллективо даькъалабувц беррига кхалнах, шоай тамашийнача кӀаьдалца, хозалца низ болаш, лерхӀачунга кхача аьттув цар балар ловш.
