«Супача а низ болча а Россе сигален кӀалха» яха гойтам хьабийллар Шолже
14.03.2025 14:42
Шолжа кхален Керттерча библиотеке хьабийллар «Супача а низ болча а Россе сигален кӀалха» яха гойтам, из хетабаьб ГӏалгӀайче Россех дӀакхийтта 255 шу дизара, яхаш, дийцар «Сердало» газетага цу культуран фусаме.
«Укх деношка, Даьхен истори дезарашта лаьрхӀа да книжкаш, архивашкара сурташ, исторех дола деррига бакъдар дувца каьхаташ. Гойтаме оттаяьча хӀамаша хьагойт, вай къам иштта низ болча мехкаца хилар мел дезаш дар», - аьлар библиотекан болхлоша.
Белгалде деза, гӀалгӀай къоаноша 1770 шера тушола бетта 17-ча дийнахьа Российски паччахьалкхен мутӀахьа хилара биа дув бахьан долаш, вай мохк дика дегӀабоагӀаш хилар.
