Шолже белгалдир Россе юкъара библиотекай ди
Шолжа кхален центральни библиотеке белгалдир Россе юкъара библиотекай ди, из хӀара шера маьтсела бетта 27-ча дийнахьа дезду, яхаш, хоам бу «Сердало» газетага из болх вӀашагӀбеллараша.
«Цу тайпара таро шоай хиларах доаккхал а деш, культуран кхуврча кулгалхочо Махлой Рукъета, лаьрххӀача операце ветераний дезалашта; Архитектуран, дизайна, реинжиниринга колледжа дешархошта, иштта библиотекан сий долча дешархошта довзийтар керда литература.
Цо дийцар Шолжера библиотека хьакхолларах, цун ганзах, тахан дунен тӀа книжкан малагӀа низ ба. Кхетачен керттерча даькъ тӀа дийцар, «книжкай дунен» 21-ча бӀаьшерерча лоархӀамах», - аьлар хоамо.
Къамаьл деш белгалдир, библиотека-из духхьал книжкаш лораду моттиг хинна Ӏац, из кхы а шоайла къамаьл дара майда я, юха а юха а цу тӀа водаш, культурах бола пайда эцаш йола», - аьлар из болх вӀашагӀбелларех цаӀ йолча Новрбенаькъан Мухьмада.
