Хиш цӀендеш йола гӀишлош хьалъеш латт Шолжа-Шахьаре
30.05.2024 09:36
24 сахьата 16 эзар куб. метр хий цӀендеш хургйола моттиг хьалъеш боахк Шолжа-Шахьаре. Из хоам «Сердалога» бир мехка кабмино.
«Карарча хана маркхалца де деза балхаш кхоачашдеш боахк цига, иштта Ӏочуаьхкай артезиански гӀув», - йоах хоамо.
Белгалде деза, вай мехкарча экологен хьал лорадара тӀехьа из болх чӀоагӀа лоархӀаме болга. 20 км йола цӀенде деза хий дӀачуухаргдола коллектор латт цига хьаеш.
Республикерча гӀишлошъеча балхех йолча министерство, «УКС РИ» ГУПо гӀо деш, ФБУ тӀахьожам беш, ООО «ОЛИМП» яхача оагӀоно дӀахьош болх ба из. Республикерча хӀара моттиге из хилар чӀоагӀа лоархӀаме да тахан, хӀана аьлча, бӀехденнача хиша лаьттанна, дерригача Ӏалама доккха зе ду.
