МР-80-13Т яха тепча яьккхар Ӏаьдало Шолжа-Шахьарера
31.07.2024 12:50
Поатронех йизза йола тепча яьккхар полице болхлоша Шолжа-Шахьарера. Из хоам «Сердалога» бир МВД.
«Экстремизм яхача зулама духьале лоаттаеча оагӀон болхлоша, Росгварде СОБРа викалашца, «Герз» яха ОРМ дӀахьош, Шолжа-Шахьаре коа лаьттача машина чура МР-80-13Т яха тепча яьккхар. ДӀатехкача гучадаьлар, из тепча наха зулам де етта йиш хургйолаш тоаяьлга.
Барх поатрон чуйоалла тепча Ӏаьдало дӀаяьккхар; из лелаяьчун духьала зулам даьча сага санна гӀулакх хьадийллад.
