Шолжа-Шахьарера Пхьилекъонгий цӀерах бола урам тоабеш латт
05.02.2025 09:32
Пхьилекъонгий цӀерах бола, Шолжа-Шахьар- Горагорск-МагӀалбик яхача наькъаца хотталуш бола урам тоабеш латт болхлоша.
«Сердалога» из хоам бир наькъий гӀулакхех йолча министерствос. ГӀашлой никъ билла баьнна, шозлагӀа асфальт тӀабуллаш боахк болхлой карарча хана. Наькъашкара гӀармаш оттаеш, басарашца наькъа юкъе къоастам беш тоаергья из моттиг.
«Ер бутт чакхбалале, йистебаккха лерхӀ оаха из никъ», - аьлар цу гӀулакха хьалхалаттача болхлочо.
Укх шера министерствос тоаде лерхӀ 42 км кхоачаш бола 11 никъ.
