Шолже книжкай йоккха ярмарка хургья
Кхоана Шолжа-Шахьара керттерча майдан тӀа, йоккха кхетаче дӀахьоргья. Из я Янданаькъан Жамалдий цӀерагӀча Къаман библиотеко, ГӀалгӀай Республика хьакхелла 100 шу дизара Ди дездеш хилара хетаяь книжкай ярмарка. Цига вӀашагӀкхетаргба, дешара тӀера бола моллагӀа ха яьнна нах.
«Библиотека болхлоша тайп-тайпара кхетаченаш кийчъяьй: книжкаш довзийтар, уж дохкар, викторинаш, берашта лаьрхӀа яхьаш. Хьаьшашца кхетаченаш е таро хургья цига дакъа лоацарий. Цига хургба йоазонхой: поэташ, прозаикаш - иштта ешаргья оазархоша шоай байташ. Кхетаче дӀахьоргья 11 сахьат даьлча дӀайолаенна,16-сахьат даллалца.
Дерригаш а хьадувла шоай дезалашца, дешар - цхьана ха дӀаяхьара а иштта кердадараш довзара а йола дика ха ма йий», - аьлар «Сердало» газетага из болх вӀашагӀбеллараша.
Книжкай ярмарке дакъа лоацаш хургба республикан хьаьший, журналисташ, литература мел дезараш, дешара тӀера бараш.
