Гӏалгӏайчен Шолже «Дошо гуйре» яха гойтам-базар хургья
20.10.2025 17:07
Шолже, ардара бетта 25-ча дийнахьа, хӏара шера дӏахьош йола «Дошо гуйре» яха базар хургья. Цох дийцар Гӏалгӏай Республикан Кулгалхочун, Паччахьалкхен зарбан болх лелабераша.
Кхетаче дӏахьош дикагӏа болча юртбоахама болхлошта совгӏаташ лургда, иштта «Дикагӏа бола доалахьара боахам», «Зизай фестиваль» яхача яхье котбаьннараш белгалбоахаргба.
«Из дика таро я вай ахархой даькъалабувцара, цар атта боацача балхаца а, республикан кхачан кхерамзлен ӏалашо ярца а, юрта юртбоахама доазонаш дегӏадоаладе ловш уж хиларца а», - аьлар Келаматанаькъан Махьмуд-ӏаьлас, гойтама-базара лоархӏамах дувцаш.
Цул совгӏа, базар тӏа республикан бахархой таро хургья тайп-тайпара ӏалама цӏена кхача эца. Маьхаш оттадергда 15-20% чухьнахьа.
