«Из хатар бахьан долаш, Западни оалача, иштта кхыдолча урамашка цхьан юкъа хий хургдац. Сихха хатар юстардаккха гIерташ, къахьегаш боахк болхлой. Хий доладалара хьакъехьа хоам бергба шолжахошка», - йоах хоамо.

Белгалде деза, цул хьалхагIа № 6 йолча ишкола юхерча Восточни оалача урам тIара хин турбаш тоаеш баьхкалга. ЦIай дездеш хиннача деношка, пхе моттигера хий ийккха моттигаш тоаеш къахьегаш хиннаб, цу гIулакхах бехктокхаме бараш.

Шахьарерча хьакимаша чIоагIа тахьожам лоаттабеш, гIулакх да из, хIана аьлча хицарча хатаро наьха вахарера дукха гIулакхаш юкъахдут.