МЧСа штаба тоабай Ӏомалуш йолча балха хьалхара дакъа
Укх бетта 18-ча дийнахьа, республикан МЧСа болхлой хьалхара штаба тоабай дешара дакъа дӀахьош дар Шолже; доккха хий деча нийслуш дола хатар юстардоаккхаш хилча фу де деза гойташ дар из. Цох бола хоам «Сердало» газетага бир ГӀалгӀай мехкарча МЧС ГУ.
Ӏомавалара дӀахьош хинна болх, бокъонца долча хьалашка из нийсделча санна, вӀашагӀбеллабар: чоалахнерча хьалах йолча Комиссегара дӀадоладенна, цунца дувзаденнача дерригача балхашка кхаччалца, цу юкъе Шолжа-Шахьаре бахача лозабаьрашта деш дола лорий новкъостал а долаш.
«Практика дӀаяхьара вӀашагӀделла хинначох, ГӀалгӀайче гӀолла йолча Россе МЧС Керттерча урхаллен ха дара даькъ тӀа хоам кхаьчар, Шолжа хий айденна хиларах, ГӀалгӀай Республикан Шолжа-Шахьаре 280 дезалаш бахача 45 цӀагӀа, цу юкъе 75 бер а долаш, хий чудаьнна хиларах.
Цига беш хиннача хоамо йоахар, 70 саг цу тайпарча хьала кӀалвисав.
Из чоалхане хьал юстардаккха, Россе МЧСа низ а хьалаш а дӀадахийтар наха долча новкъостала.
Фокус-тоабага гӀолла хатар хиннарашта ахчанца новкъостал дара дола хаттар тахкар ЕПГУ, Шолжа шахьара администрацен, МФЦ отделене дехар яздеш. Ерригаш а 10 яр уж.
Тушола бетта 19-ча дийнахьа Ӏомабалара болх дӀахо дӀабихьар; юрташ, экономика, социальни оагӀонаш лорадара, цу юкъе (Ӏалама) цӀи ялар а долаш», - аьлар «Сердало» газетага чоалханерча боахаме.
