Даьхен лорбой шера хетаяь кхетаче дӀайихьар Шолжа-Шахьаре
17.04.2025 10:15
Даьхен лорбой шера хетаяь лоархӀаме кхетаче дӀайихьар Шолжа шахьаре. Из хоам «Сердало» газетага бир цу моттигера.
«Ший кулгашца хьадаь Георгиевски зиг» яха гойтам дӀабихьар архитектурах, дизайнах, реинжинирингах йолча колледже. Студенташа шоай кулгашца хьаяь тайп-тайпара 100 совгӀа хӀама яр цига гойташ», - дийцар тха газетага.
Мехкарча ветераний Кхела хьалха латтача ТӀоаршхой Абукара, СВО доакъашхо, майор волча Гаданаькъан Исраила тӀема бирсача 1941-ча, 1945-ча шерашка моастагӀа ший низах вохавеш лаьттараш дагалоацаш, царна доккха баркал оалаш, къамаьл дир кхетаче. Эггара халагӀа хиннача ханашка котало яккха гӀерташ, фашист эшавеш лаьттараш бицбе бокъо яц вай.
