ГӀалгӀайчен Шолже ВСКС низа хьалашка хьежар
Шолжерча цӀера духьала къовсам лоаттабеча колледже хьажар хилар Ерригроссийски кӀалхарбахара студентий корпуса (ВСКС) низага, таронашка. Из йоккха кхетаче хетаяь яр юкъарлон болам хьакхелла 24 шу дизара.
«Цу кхетачене кагирхоша гойтар шоай профессиональни говзал, шоашта карагӀдоалар. Уж чакхбала безаш бар эттача чоалханеча хьалашка гӀолла, лаьрххӀа дола гӀирсаш леладе хой хьожаш, хьалхара новкъостал деш», - аьлар хоамо.
Цига белгалбаьннарашта сийлен грамоташ, баркал оалаш дола каьхаташ делар, дика къахьегарах.
«Оаха доаккхал ду тхоай студентех, шоаш деша багӀар аьнна доацаш, царна низ а ха а таарах цу лоархӀамеча гӀулакха юкъе дакъа лаца! Хьакхеллача денца даькъала хийла хьо, ВСКС!», - аьлар ЦӀерца къовсам лоаттаберий колледжа кулгалхочо Мархенаькъан Мусас.
