Из хоам «Сердалога» бир мэрера.

«Шолжа-Шахьарерча Iамаца хоттам болча, Эбарга-Юртара долалуш долча каналага хьожаш, болх дIахьош хилар шахьара да вола Iумаранаькъан Аслан, ГО, ЧС оагIон кулгалду Беканаькъан Халид», - йоах хоамо.

Диъ шу хьалха, геттара чIоагIа лаьттача догIаша гонахьара моттиг йохаяьяр цига. Гобаьккха кагий тIо билла, кхыдола кхоачамбоацараш юстардаьха, болх дIабихьар цига. Тахан дуккхача бахархоша салоIаш, лоархIаме моттиг я из, цунга хьежжа массахана тIахьожам лоаттабеш, хан-ханнахьа боаггIаш бола болх дIахьош, лораду Iама хий лоаттадеш дола канал.