Шолже хьежар, бомбаех лоравала йиш йолча моттигашка
ГӀалгӀай Республикан МЧС графиках, Шолжа-Шахьара Ӏаьдало доал деча даькъ тӀа бахархошта лаьрхӀа йола бомбаех хьулалу моттигаш миштай хьожар, яхаш, дийцар «Сердало» газетага мэре болхлоша.
«Хьалххе а цу тайпара болх баьбар дукхаза вӀаштӀара даьча цӀеношка, гӀулакхера болхлой чуболча гӀишлошка, урхалленашка, паччахьалкхен доакъошка, из хьал мишта латт хьожаш, нагахьа санна нах кӀалхарбаха безаш хуле фу карагӀдаргда хьожаш», - йоах хоамо.
ЛаьрххӀа йола моттигаш белгалъяьяр. Цу гӀулакхага хьежараша яхачох, цу тайпарча моттигашка беррига нах чухошаргба. Нагахьа санна фегара унзара кхерам болаш, тӀом хьайна моттиг хуле а аьнна, яь кийчо я из.
МЧС болхлоша белгалдир, цу гӀишлошка хьежачул тӀехьагӀа, нах кӀалхарбахарца дувзаденна кхоачамбоацараш дац, аьнна.
